A misión de Vigo Tecnolóxico é crear e transferir coñecemento e innovacións baixo un enfoque colaborativo multi e inter-disciplinario nos ámbitos da telecomunicación e das tecnoloxías, enerxía e procesos industriais.
Vigo Tecnolóxico aspira a ser un Campus de Especialización da Universidade de Vigo que aglutine as competencias científicas e tecnolóxicas nos ámbitos da telecomunicación e das tecnoloxías, enerxía e procesos industriais, recoñecido a nivel nacional e internacional como punto focal do ecosistema de innovación rexional pola súa contribución á mellora da innovación e competitividade de Galicia.
Os centros de investigación do Campus Vigo Tecnolóxico participan no proxecto Facendo Plus, que foi subvencionado pola convocatoria Fábrica intelixente e sustentable 2023, cofinanciada pola Unión Europea (IN854A)
