A Universidade de Vigo crea o Campus Vigo Tecnolóxico en Vigo, con José Antonio Vilán como Comisionado. Na mesma liña xorden tamén o Campus da Auga en Ourense e o Campus CREA en Pontevedra.
O Reitor da Universidade de Vigo nomea a Edita de Lorenzo como Comisionada para Vigo Tecnolóxico e publícase a estratexia para o campus baixo o nome Vigo Tecnolóxico-Estratexia 2025.
Co cambio de Goberno na Universidade de Vigo, o campus pasa a depender da Vicerreitoría de Transferencia, ao cargo de María Consuelo Pérez, e nomease a Daniel Villanueva como Director do Vigo Tecnolóxico.
Delimítanse as novas liñas de especialización do Vigo Tecnolóxico e establécense os modelos de gobernanza e organización, as estratexias e os plans operativo e de viabilidade económica do trienio 2019-2022.
O campus pasa a depender da Vicerreitoría de Investigación, ao cargo de María Belén Rubio.
Xestión do proceso de acreditación como Campus de Especialización por parte da Xunta de Galicia.
Os centros de investigación do Campus Vigo Tecnolóxico participan no proxecto Facendo Plus, que foi subvencionado pola convocatoria Fábrica intelixente e sustentable 2023, cofinanciada pola Unión Europea (IN854A)
