Dentro do programa integraTE, patrocinado pola Cátedra Indra, o vindeiro mércores 5 de febreiro de 2025 ás 13:00 no Salón de Actos da EET terá lugar unha nova charla do ciclo “Café & …” centrada nas tecnoloxías dos satélites de comunicación. Correrá a cargo de Miguel Ángel Piqueras Ruipérez, CTO de fotónica e espazo no Grupo Oesía.
Neste ciclo de charlas de divulgación científica sobre tecnoloxías de telecomunicación adiántanse contidos que se estudan no Grao/Mestrado ou eidos nos que traballar no futuro. Propóñense temas interesantes nun ambiente relaxado e con café ao rematar.
As charlas están pensadas para estudantes de primeiro curso, pero están abertas a aqueles doutros cursos que queiran asistir.
Os centros de investigación do Campus Vigo Tecnolóxico participan no proxecto Facendo Plus, que foi subvencionado pola convocatoria Fábrica intelixente e sustentable 2023, cofinanciada pola Unión Europea (IN854A)
